پاکستان اتے بھارت وچال کرتارپورراہداری تے مذاکرات دا ڈوجھا دور، مختلف معاملیاں تے 80 فیصد اتفاق ،باقی20 فیصدمعاملیاں تے گالھ چلدی راہسی

APP13-14 LAHORE: July 14 - Foreign Office spokesperson Dr Mohammad Faisal giving briefing to the media persons about India and Pakistan meeting on Kartarpur Corridor issue before meeting at Wahga. APP photo by Mustafa Lashari

اسلام آباد ۔ 14 جولائی (اے پی پی) پاکستان اتے بھارت وچال کرتارپورراہداری تے مذاکرات دا ڈوجھا دور تھئے جیندے اچ مختلف معاملیاں تے 80 فیصد اتفاق کیتا گئے جڈاں جوباقی20 فیصدمعاملیاں تے گالھ چلدی راہسی اتے ایندے کیتے مذاکرات دا ہک بیا دور وی تھیسی۔واہگہ اچ میڈیا نال الویندے ہوئے ترجمان دفترخارجہ ڈاکٹرمحمد فیصل ڈسائے جو مذاکرات اچ بہون پیش رفت تھئی ہے حالی ہک بیا دور وی طے تھئے۔ڈوجھے دور اچ پاکستانی وفددی قیادت ڈاکٹرمحمد فیصل جڈاں جو 8 رکنی بھارتی وفد دی قیادت بھارتی وزارت داخلہ دے جائنٹ سیکرٹری ایس سی ایل داس کیتی۔اٹاری اچ تھیونڑ آلے مذکرات اچ کرتارپورراہداری کھولنڑ دے حوالے نال معاملیاں تے الوایا گئے ۔ انہاں آکھیے جڈاں ڈوہاں ملک سارے ایشوزتے معاہدہ کیتے متفق تھی ویسن تاں مذاکرات دی تفصیلات عام کیتی ویسی کیوں جو کرتارپورراہداری کوں ”راہداری برائے امن“بنڑاونڑ ساڈا مقصد اے جیندے کیتے اختلافی امور نمٹائے ویسن۔