پاکستان مسئلہ کشمیر تے ثالثی کیتے امریکی صدر دی پیشکش دا خیر مقدم کریندے، ڈاکٹر فردوس عاشق اعوان

اسلام آباد ۔ 23 جولائی (اے پی پی) وزیر اعظم دی معاون خصوصی اطلاعات ڈاکٹر فردوس عاشق اعوان آکھیے جو پاکستان مسئلہ کشمیر تے ثالثی کیتے امریکی صدر دی پیشکش دا خیر مقدم کریندے ،وزیراعظم عمران خان دی امریکی صدر ٹرمپ نال کامیاب ملاقات پاکستان دی کامیابی اے، قوم کوں اپنڑے رہبر تے فخر اے جیں باوقار انداز نال بین الاقوامی سطح تے پاکستانی دی نمائندگی کیتی اے ۔منگل کوں اپنڑے ٹوئیٹ اچ انہاں آکھیا جو ملاقات اچ پاکستان تے بھارت جھیڑے تے گال مہاڑ نال خطے دے بنیادی مسئلے دے حل دی اہمیت اجاگر تھئی اے ۔انہاں آکھیا جو صدر ڈونلڈ ٹرمپ دی افغان مسئلے تے وزیر اعظم پاکستان دے موقف دی تائید اتے انہاں کوں مقبول رہنما قرار ڈیونڑ عمران خان تے دنیا دے ودھدے ہوئے اعتماد دا اظہار تے انہاں دی قائدانہ صلاحیت دا اعتراف اے ۔