اسلام آباد ۔ یکم جولائی (اے پی پی) پاکستان سنوار کوں 261 بھارتی قیدیاں (52 سول اتے 209 ماہی گیراں) دی فہرست اسلام آباد اچ بھارتی ہائی کمیشن دے حوالے کر ڈتی ہے۔ دفترخارجہ ولوں جاری بیان مطابق پاکستان دا ایہ اقدام بھارت اتے پاکستان وچال قونصلر رسائی معاہدے دی شقاں مطابق ہے ،جیندے تے 21 مئی 2008ءکوں دستخط تھئے ہن۔ معاہدے مطابق ڈوہائیں ملکاں سانگے ضروری ہے جو اوہ سال اچ ڈوواری یعنی جنوری اتے پہلی جولائی کوں قیدیاں دی فہرستاں دا آپس اچ تبادلہ کرنڑ۔ بھارتی حکومت وی نئی دہلی بھارت اچ موجود پاکستانی قیدیاں دی فہرست پاکستانی ہائی کمیشن دے حوالے کریسی۔
