پاک بحریہ دے سربراہ ایڈمرل ظفر محمود عباسی نال روس دی گراونڈ فورسز دے کمانڈر اِن چیف دی ملاقات

اسلام آباد ۔ 3 جولائی (اے پی پی) روس دی گراونڈ فورسز دے کمانڈر اِن چیف پاک بحریہ دے سربراہ ایڈمرل ظفر محمود عباسی نال نیول ہیڈ کوارٹرز اسلام آباد اچ ملاقات کیتی جیں اچ علاقائی سکیورٹی صورت حال اتے سانجھے دلچسپی دے امور تے گال مہاڑ کیتی گئی ۔ ترجمان پاک بحریہ دے مطابق نیول چیف معزز مہمان کوں پاک بحریہ دے بحر ہند اچ ریجنل میری ٹائم سکیورٹی پٹرول دے اقدام بارے وی ڈسایا ۔ روس دی گراونڈ فورسز دے کمانڈر اِن چیف علاقائی امن و استحکام دے قیام اچ پاک بحریہ دے کردار دی تعریف کیتی ۔