پہلے ڈینھ توں آکھدا ہم جو افغانستان دے مسئلے دا کوئی فوجی حل کائنی جئیں تے انہاں تے تنقید کیتی ویندی رہی اے،اج امریکی صدر اتے پوری دنیا منیندی پی اے جو افغانستان دے مسئلے دا کوئی فوجی حل کائنی،وزیراعظم عمر ان خان

واشنگٹن ۔ 22 جولائی (اے پی پی) وائٹ ہاﺅس اچ امریکی صدر ڈونلڈ ٹرمپ نال اج سنوار کوں تھیونڑ آلے ملاقات توں کجھ گھنٹے پہلے وزیراعظم عمران خان قوم کوں یقین ڈوایا جو او انہاں دا مقدمہ امریکی صدر دے سامنڑے رکھیسن اتے کڈاہیں قوم کوں شرمندہ کائنا تھیونڑ ڈیسن۔ کیپیٹل ون ایرینا اچ پاکستانی کمیونٹی دے ہک کٹھ نال خطاب کریندیں ہوئیں انہاں آکھیا جو پہلے ڈینھ توں آکھدا ہم جو افغانستان دے مسئلے دا کوئی فوجی حل کائنی جئیں تے انہاں تے تنقید کیتی ویندی رہی اے،اج امریکی صدر اتے پوری دنیا منیندی پی اے جو افغانستان دے مسئلے دا کوئی فوجی حل کائنی۔