اسلام آباد ۔ 04 جولائی (اے پی پی) چیئرمین پارلیمانی کمیٹی کشمیر سید فخر امام دا کنٹرول لائن دے چھمب سیکٹر اچ دھماکہ خیز مواد پھٹنڑ نال پاک فوج دے جانی نقصان تے افسوس دا اظہارکیتے ۔انہاں شہیداں دے درجات دی بلندی، زخمیاں دی وختی صحت یابی سانگے دعا کیتی۔ انہاں شہید تھیونڑ آلے جواناں دے گھر آلیاں نال ہمدردی دا اظہار کریندے ہوئیں دعا کیتی جو اللہ سائیں شہیداں دے درجات بلند کرے اتے غم دے ایں ویلھا اچ پسماندگان کوں ہمت تے حوصلہ ڈیوے ۔ انہاں زخمیاں دی وختی صحت یابی سانگے وی دعا کیتی۔
