لاہور۔17 جولائی(اے پی پی )پی سی بی دے چیئرمین احسان مانی اتے ایم ڈی وسیم خان انضمام الحق دی پاکستان کرکٹ سانگے ڈتیاں گی خدمات کو ں خراج تحسین پیش کیتا۔چیئرمین پی سی بی دا آکھنڑ ہا جو انضمام الحق پاکستان دے آئی کونز وچوں سے ہک ہن،جنہاں بطور کھلاڑی، بطور کپتان اتے بطور چیف سلیکٹر پاکستان دی خدمت کیتی، بطور چیف سلیکٹر وی انہاں اپنڑیں ذمہ داری چنگے طریقے نال نبھائی، انہاں دے دور اچ کئی باصلاحیت نینگرکھلاڑی قومی ٹیم دا حصہ بنڑے،جیرھے جو مستقبل اچ پاکستان دا اثاثہ ثابت تھیسن ۔پی سی بی دے ایم ڈی وسیم خان دا آکھنڑ ہا جو انضمام الحق پاکستان کرکٹ سانگے ودھ ساریاں خدمات سر انجام ڈتیاں۔ انہاں آکھیا جومیکوں امید ہے جو وہ مستقبل اچ وی پاکستانی کرکٹ کیتے اپنڑیاں خدمات جاری رکھیسن ۔
