اسلام آباد ۔ 11 جولائی (اے پی پی) سرکاری تے پرائیویٹ سکیماں دے تحت 20 ہزار توں ودھ عازمین فریضہ حج دی ادائیگی کیتے حجاز مقدس پج گئن۔ وزارت مذہبی امور دے مطابق حج توں پہلے 52 ہزار توں ودھ پاکستانی مدینہ منورہ اچ روضہ رسول دی زیارت کریسن کیوں جو پہلے 15 ڈینھ پاکستان توں حجاز مقدس پجنڑ آلیاں پروازاں براہ راست مدینہ منورہ پج ویسن۔ وزارت مذہبی امور آکھیے جو حج میڈیکل مشن دے تحت مدینہ منورہ اچ19 ڈاکٹر اتے34 پیرامیڈیکل سٹاف کم کریندا پئے۔ ایں سلسلے اچ 2 ہسپتالاں، 2 ڈسپنسریاں دے ذریعے طبی خدمات فراہم کیتیاں ویندیاں پن ۔ہنڑ تئیں680 عازمین کوں طبی سہولتاں ڈتیاں گن ۔ سعودی عرب اچ رہنمائی یا پریشانی کیتے مفت ہیلپ لائن قائم کیتی گئی اے۔ کوئی وی عازم حج کہیں وی شکایت دی صورت اچ 0800-1122266 تے کال کر سگدے ۔
