میدان عرفات ۔ 10 اگست (اے پی پی) سعودی عرب دے مفتی اعظم شیخ محمد حسن آل شیخ اللہ اتے رسول اللہ ﷺ دے امن ، سلامتی اتے رحم دلی دے سنیہے کوں اسلامی معاشرے دی بنیاد قرارڈیندے آکھیے جو اسلام مساوات اتے برابری دا دین اے، اسلامی معاشرے دا حسن رحم دلی و حسن سلوک اے ،ہر کہیں نال پیار محبت، نرمی، صلہ رحمی بھرا بھرپی نال پیش آوو
جگ دے معاملات اللہ دی بندگی اتے عبادت سامنڑے رکھیندے ہوئے نبھاو،توحید، رسالت دی اطاعت،تقویٰ اختیار کرو،۔میدان عرفات اچ حج دا رکن اعظم وقف عرفات ادا کرنڑ ویلھے خطبہ حج ڈیندے مفتی اعظم الشیخ محمد بن حسن الشیخ مسلم امہ تے زور ڈتے جو او حسن رحم دلی ،حسن سلوک تے قائم راہون۔ انہاں آکھیے جڈاں کوئی اللہ دے دربار اچ پج ویندے تاں اللہ تعالی اوندے سارے صغیرہ و کبیرہ گناہ معاف کرڈیندے، اسلام امن و سلامتی اتے محبت دا دین اے اتے ایندے اچ کمی بیشی نئیں کیتی ونج سگدی،توفیق دے باوجود حج نہ کرنڑ دی معافی کائنی،رسول ﷺ سارے جہاناں کیتے رحمت بنڑا تے بھیجے گین،انہان دا جیونر ساڈے کیتے نمونہ اے جین جیونڑ دا رستہ ڈسا ڈتے،ساکوں قرآن حکیم، انبیاءکرام اتے صحابہ کرام دی محبت اتے رحمت دی تعلیمات تے ٹرنڑا چاہیدے،جے تئیں سورج مغرب توں نئیں ابھرداتوبہ دادر کھلیا ہوئے،ہک مسلمان بئے مسلمان کیتے سوکھ بنڑے،اللہ تعالیی دیان سو رحمتاں ہین جیندے اچوں صرف ہک جن اتے انسان کیتے ونڈیاں گین بھل باقی 99 رحمتاں اللہ یوم آخرت اچ ونڈیسی۔انہان آکھیے جو سرکار دو عالم دا خطبہ حج الوداع اتے دعا اسلامی تعلیمات دا نچوڑاہے،نماز ،روزہ، زکوات اتے حج کوں اپناوو،اللہ اتے رسول دی گالھ منر آلا این اتے اوں ڈوہان جہاناں اچ سرخرو تھیسی،اہل و عیال، پیو مائ، بھینڑیں بھرا،ہمسائے رشتہ داراتے انسانیت نال سنرمی دا درس ڈتا گئے،ساری امت جسد واحد آلی کار اے۔ہک بئے نال صلہ رحمی نال پیش آوو۔