اسلام آباد ۔ 16 اگست (اے پی پی) وزیراعظم عمران خان آکھیے جو تریخ دا سبق ہے جو جڈاں کوئی قوم آزادی سانگے ہک مٹھ تھی تے موت دے خوف توں وی جان چھڑا گھندی ہے تاں کوئی طاقت اوں قوم کوں اوندی منزل تئیں پجنڑ توں نی روک سگدی، فاشسٹ مودی سرکار ولوں کشمیریاں دی جدوجہد آزادی دا گلہ گھونٹڑ دیاں ساریاں کوششاں بری طرح ناکام تھیسن۔ جمعہ کو ں اپنڑے ٹویٹس اچ وزیراعظم آکھیا جو ہندو بالادستی دی خواہش رکھنڑ آلی فاشسٹ مودی سرکار کوں سمجھ گھنڑ چاہیدے جو فوجی طاقت نال فوجاں، عسکریت پسنداں اتے دہشت گرداں کوں تاں ہرایا ونج جا سگدے ،لیکن تریخ گواہی ڈیندی ہے جو جڈاں کوئی قوم آزادی کیتے ہک مٹھ تھی ونجے اتے مرنڑ توں نہ ڈرے تاں کوئی طاقت ایجھی قوم کوں منزل تئیں پجنڑ توں نی روک سگدی۔ وزیراعظم آکھیا جو ایہا وجہ ہے جو مودی سرکار داہندازم دا پجاری ٹولہ مقبوضہ کشمیر اچ اپنڑے سارے سفاکانہ حربیاں اتے ہتھکنڈاں سمیت سر دے بھار ڈھاسی اتے کشمیریاں دی جدوجہد آزادی دا گلہ گھونٹڑ دیاں اپنڑیاں ساریاں کوششاں اچ بری طرح ناکام تھیسی۔