اسلام آباد ۔ 16 اگست (اے پی پی) اطلاعات تے نشریات سانگے وزیراعظم دی معاون خصوصی ڈاکٹر فردوس عاشق اعوان آکھیے جو مقبوضہ کشمیراچ مظالم نال نام نہاد سیکولر ریاست بھارت دا مکروہ چہرہ بے نقاب تھی گئے ۔انہاں آکھیا جوبھارت مقبوضہ وادی اچ کشمیریاں دی نسل کشی کر یندا پئے، بھارت ہمیشہ عالمی قوانین دے خلاف ورزی کیتی ہے، مقبوضہ وادی اچ نسل کشی داایہ عمل جاری رہیا تاں بوسنیا اتے روہنگیا ورگے حالات دا سامنڑاں کرنڑ پوسی۔انہاں آکھیاجو اگر اقوام متحدہ اپنڑیاں ذمہ داری پوری کرنڑ اچ ناکام رہیا تاں کشمیریاں سانگے پاکستان اوہ سارا کجھ کرنڑ تے مجبور ہوسی ،جیرھا جو انسانیت کیتے کرنڑ چاہیدے۔ انہاں خیالیں دا اظہار فردوس عاشق اعوان جمعہ کوں اپنڑے ہک ویڈیو بیان اچ کیتا۔ انہاں آکھیا جو بھارت ہمیشہ عالمی معاہداں دی خلاف ورزی کیتی ہے، 1974ءاچ اقوام متحدہ سمیت پوری دنیا بھارت کو ںایٹمی تجربات کرنڑ توں نہ روک سگی، بھارت اپنڑے اقدامات نال شملہ معاہدہ اتے اقوام متحدہ دی سلامتی کونسل دی قرارداداں کوں روند ڈتا کیونجو بھارت ہمیشہ عالمی قوانین کدی خلاف ورزی کیتی ہے اتے پیغام ڈتے جوا یہ ایندے کیتے کوئی اہمیت نی رکھیندے۔ انہاں آکھیا جو بھارت مقبوضہ وادی اچ کشمیریاں دی نسل کشی کر یندا پئے ، مسئلہ کشمیر دے معاملے تے سلامتی کونسل دے پنج مستقل اتے10 غیر مستقل رکن ملکاں دا اج امتحان ہے، اگر سلامتی کونسل بھارت تے پریشر پاونڑ اچ ناکام رہی تاں ادارے دی ساکھ تے سوالیہ نشان ہو سی۔ انہاں آکھیا جو 70 سال دی بربریت دے باوجود بھارت کشمیریاں دا جذبہ حریت گھتا نی سگیا ، کشمیر اچ 13 ڈینھ توں کرفیو نافذ ہے، لاک ڈاﺅن ہے، مواصلات بند ہن اتے دوائیاں دی گھٹکی ہے۔ انہاں آکھیا جونہ صرف بین الاقوامی میڈیا بلکہ بھارت دے اندر وں وی ایندے خلاف آوازاں اٹھدیاں پن۔ انہاں آکھیا جو مسئلہ کشمیر تے اقوام متحدہ دی 11 قرارداداں موجود ہن، بھارت مسئلہ کشمیر تے سلامتی کونسل دی قرارداداں تے عمل نی کریندا۔انہاں آکھیا جو اگر مقبوضہ وادی اچ نسل کشی دا عمل جاری رہیا تاں بوسنیا اتے روہنگیا ورگے حالات دا سامنڑاں کرنڑ پوسی، اگر اقوام متحدہ اپنڑیاں ذمہ داری پوری کرنڑ اچ ناکام رہیا تاں پاکستان کشمیریاں سانگے اوہ سارا کجھ کرنڑ تے مجبور ہوسی،جیرھا جو انسانیت کیتے کرنڑ چاہیدے۔