اسلام آباد ۔ 16 اگست (اے پی پی) وزیر خارجہ شاہ محمود قریشی آکھیے جو وزیر اعظم عمران خان اتے امریکی صدر ڈونلڈ ٹرمپ وچال جمعہ کوں ٹیلی فون تے رابطہ تھئے، امریکی صدر نال مقبوضہ کشمیر ،افغانستان اتے خطے دی صورتحال بارے گالھ مہاڑ تھئی۔میڈیا کو ںبریفنگ ڈیندے ہوئیں وزیر خارجہ آکھیا جووزیراعظم امریکی صدر کوں مقبوضہ کشمیر دے تناظر اچ پاکستان دی تشویش اتے خطے اچ امن و استحکام کوں درپیش خطرات اتے پاکستانی موقف تفصیل نال ڈسایا۔ وزیر اعظم صدر ٹرمپ کوں کشمیر دے معاملے تے سلامتی کونسل دے اجلاس بارے پاکستانی نقطہ نظر بارے وی ڈسایا۔ شاہ محمود قریشی آکھیا جو صدر ٹرمپ نال افغانستان بارے وی گالھ مہاڑ تھئی۔وزیر اعظم واضح کیتے جوپاکستان ہمیشہ آلی کار افغانستان اچ پائیدار امن تے استحکام سانگے پر عزم ہے ۔وزیر اعظم آکھیا جو پاکستان ہمیشہ خطے دی چنگائی سانگے کرادار ادا کیتے۔وزیر خارجہ آکھیا جو وزیر اعظم اتے صدر ٹرمپ مسلسل رابطے جاری رکھنٹ اتے خطے دی صورتحال زیر بحث گھن آونڑ دا فیصلہ کیتے۔شاہ محمود قریشی آکھیا جو پاکستان کشمیر دے معاملے تے پنج مستقل ارکاناں کوں اعتماد اچ گھنڑ دی غرض نال ہنڑ تئیں امریکہ،روس،چین اتے برطانیہ کوں اپنڑاں نقطہ نظر پیش کیتے ،جڈان جو پنجویںمستقل رکن فرانس دے صدر نال وی رابطے دی کوششاں کر یندے پئے ہسے ۔
