آرمی چیف جنرل قمر جاوید باجوہ دی شہید لیفٹیننٹ کرنل راشد کریم بیگ، شہید لیفٹیننٹ کرنل وسیم حیات اتے سپاہی غلام رضا شہید دے گھر ونج تے پرچاونڑی

راولپنڈی۔ 10 اگست (اے پی پی) بری فوج دے سربراہ جنرل قمر جاوید باجوہ شہید لیفٹیننٹ کرنل راشد کریم بیگ، شہید لیفٹیننٹ کرنل وسیم حیات اتے سپاہی غلام رضا شہید دے ٹبراں نال ملین اتے انہاں دے گھر ونج تے انہاں کوں شہیدان دی پرچاونڑی ڈتی۔آئی ایس پی آرموجب شہداءدے اہلخانہ نال الویندے ہوئے آرمی چیف جنرل قمر جاوید باجوہ آکھیا جو ساڈے ہیروز ،ساڈی فوج اتے قوم کیتے مانر ہین،دفاع وطن کیتے جند ڈیونڑ سب توں وڈی اتے عظیم قربانی اے، شہداءدے لواحقین دا انہاں قربانیاں تے جتنا وی شکریہ ادا کروں او بہوں گھٹ اے۔جنرل قمر جاوید باجوہ آکھیا جو شہداءدے اہلخانہ نال جڑیا راہنڑ اتے سارا جیونڑ انہان دا خیال رکھنڑ ساڈی ذمہ واری اے۔