اسلام آباد ۔ 22 اگست (اے پی پی) اطلاعات تے نشریات سانگے معاون خصوصی ڈاکٹر فردوس عاشق اعوان آکھیے جو جمہوری معاشریاں اچ میڈیا تے قدغن نی لاتی ویندی۔انہاں آکھیا جو پاکستانی میڈیا اچ نینگر صحافی فعال کردار ادا کر یندے پن، موجودہ حکومت میڈیا دی آزادی تے یقین رکھیندی ہے۔ ایہ گالھیں فردوس عاشق اعوان خمیس کوں دہشت گردی، انتہا پسندی دے خلاف قومی بیانیہ بنڑاونڑ سانگے میڈیا ورکشاپ توں خطاب کریندے ہوئیں آکھی۔ انہاں آکھیا جوموجودہ حکومت میڈیا دی آزادی تے یقین رکھیندی ہے، ملکی میڈیا مختلف مراحل توںگزر تے ذمہ دار کردار ادا کر یندا پئے۔ انہاں آکھیا جو عوامی رائے قائم کرنڑ سانگے میڈیا دا کلیدی کردار ہے، موجودہ ملکی حالات اچ ذمہ دار میڈیا ضروری ہے۔ انہاں آکھیا جو آونڑ آلا ویلھا ڈیجیٹل اتے سوشل میڈیا داہے، سوشل میڈیا دنیا کوں گلوبل ویلج اچ بدل چھوڑے۔
