اسلام آباد ۔8اگست (اے پی پی)اقوام متحدہ مقبوضہ کشمیردی اجوکی صورتحال اتے معلومات دی رسائی نہ ہوونڑتے تشویش دا اظہارکیتے اتے آکھیے جو وادی اچ بدترین بھارتی پابندیاں پہلے توں سنگین صورتحال کوں بیا خراب کر ڈتے جیندے نال خطے اچ انسانی حقوق داءتے لگ گین۔ اے گالھ اقوام متحدہ دے انسانی حقوق دے ترجمان اپنڑے ہک ویڈیا سنیہے اچ آکھی۔ انہاںا ٓکھیا جو بھارت ولوں مقبوضہ کشمیر دی خصوصی حیثیت بدلنڑ،وادھو فوج دی تعیناتی توں بعد وادی اچ معلومات تئیں رسائی نہ ڈیونڑ تشویشناک گالھ اے،نویں پابندیاں مقبوضہ کشمیر اچ پہلے توں جاری صورت حال کوں بیا سنگین کر ڈتے،مواصلات دا نظام متاثر اے، سیاسی رہنماتے کارکنان غیر قانونی حراست اچ ہین جڈاں جو پر امن احتجاج روکنڑ کیتے بھرپور طاقت دا استعمال اتے ماورائے عدالت قتل جھیں اقدامات کیتے ویندے پین۔ انہاں آکھیے بھارت ولوں اجوکیاں پابندیان اچ پہلے کوئی مثال نئیں ملدی،ایں سانگے فوری ایکشن گھنڑ دی لوڑھ اے۔
