اندرلے تے باہرلے قرضیں دامجموعی حجم 31 ہزار ارب توں ودھ اے ، قرضیں دا بوجھ ملکی آمدنی ودھا تے ہی گھٹ کیتا ونج سگدے ، وفاقی وزیر ریونیو حماد اظہر

اسلام آباد ۔ 8 اگست (اے پی پی) قومی اسمبلی کوں ڈسایا گے جو اندرلے تے باہرل قرضیں دا مجموعی حجم 31 ہزار ارب توں ودھ اے جیں اچ 10838 ارب روپے باہرلے قرضہ جات جڈاں جو 19763.5 ارب روپے ملکی قرضہ جات ہن‘ پی ٹی آئی دے پہلے مالی سال دے دوران گزریل ترائے سال دے مقابلے اچ 2.3 ارب ڈالر ساریں توں گھٹ ودھارا تھئے۔ خمیس کوں قومی اسمبلی اچ سوالاں دے وقفے اچ شیخ فیاض الدین دے سوال دے جواب اچ وفاقی وزیر ریونیو حماد اظہر آکھیے جو پچھلے 10سال توں قرضیں دی حد اچ ودھارا تھئے ،اساڈے دور دے پہلے مالی سال بالرلے قرضیں دی شرح اچ گزریل ترائے سال دے مقابلے اچ 2.3 ارب ڈالر ساریں توں گھٹ ودھارا تھئے۔ قیصر احمد شیخ دے ضمنی سوال دے جواب اچ وفاقی وزیر حماد اظہر آکھیا جو مہنگائی دی شرح 15 فیصد کائنی 10.3 فیصد اے۔ قرضیں دا بوجھ ملکی آمدنی ودھا تے ہی گھٹ کیتا ونج سگدے ۔ ملک دا ایں وقت ساریں توں وڈا مسئلہ ایکسپورٹ تے ترسیلات زر اچ کمی اے ۔اساں ودھارے کیتے کم کریندے پیوں۔