او آئی سی دا مقبوضہ کشمیردی وگڑدی صورتحال تے تشویش دا اظہار، مقبوضہ کشمیراچ پیراملٹری فورسز دے وادھو دستے بھیجنڑ ،کلسٹربماں دے استعمال تے افسوس

اسلام آباد ۔ 4 اگست (اے پی پی) اسلامی تعاون دی تنظیم (او آئی سی) مقبوضہ کشمیر دی وگڑدی صورتحال تے تشویش کریندے ہوئے اقوام متحدہ دی سلامتی کونسل دی قرارداداں اتے کشمیری عوام دی خواہشات دے مطابق مسئلہ کشمیر دے جمہوری اندازاچ پرامن حل کیتے بین الاقومی برادری توں اپنڑا کردار ادا کرنر دی اپیل کیتی اے۔ او آئی سی ہک بیان اچ آکھیے جو او آئی سی دے جنرل سیکرٹریٹ کوں مقبوضہ کشمیر دی وگڑدی صورتحال بشمول مقبوضہ کشمیر اچ پیراملٹری فورسز دے اضافی دستے لاونڑ، شہریاں کوں کلسٹر بم مارنڑ۔ایل او سی دی مسلسل خلاف ورزیاں اتے معصوم شہریاں تے ظلم کرنڑ تے تشویش اے،اسلامی تعاون تنظیم جموں و کشمیردے عوام نال اظہار یکجہتی کریندے،مسلے دے پر امن حل کیتے عالمی قوانین تے عملدرآمد فوری یقینی بنڑایا ونجے۔