لاہور۔20 اگست(اے پی پی )وزیراعلیٰ سردار عثمان بزدار دی صدارت اچ اعلیٰ سطح دا اجلاس تھیا۔جیندے اچپنجاب انفارمیشن ٹیکنالوجی بورڈ دی کارکردگی اتے مستقبل دے منصوبیں دا تفصیلی جائزہ گھدا گیا۔ وزیراعلیٰ اجلاس توں خطاب کریندے ہوئیں آکھیا جو ہر شعبہ اچ انفارمیشن ٹیکنالوجی دے ودھارے نال عوام دی زندگیا ںاچ آسانیاںآوسن اتے انفارمیشن ٹیکنالوجی دے ذریعے فرسودہ نظام کوں جدت ڈتی ویسی ۔انہاں آکھیا جو ای گورننس اتے ای سروس ڈلیوری ویلھا دی اہم ضرورت ہے ،جیندی مدد نال نظام کوں آسان بنڑایا ویسی اتے عوام کوں سہولت ملسی۔ وزیراعلیٰ ہدایت کیتی جو وزیراعلیٰ شکایت سینٹر( 0800-02345)تے آونڑ آلی ہر شکایت کوں وختی حل کیتا ونجے .
