راولپنڈی ۔ 15 اگست (اے پی پی) بھارتی فوج دی کنٹرول لائن تے بلااشتعال فائرنگ نال ترائے جوان شہید تھی گین جیندے ولدے اچ پاک فوج پنج بھارتی فوجی مار ڈتن اتے کئی بنکرز وی تباہ کیتن۔آئی ایس پی آر دے ڈائریکٹر جنرل میجر جنرل آصف غفوراپنڑے ٹویٹ اچ آکھیے جو بھارتی فوج مقبوضہ جموں و کشمیر دی بدترین صورتحال توں توجہ ہٹاون دی کوشش اچ کنٹرول لائن تے فائرنگ دا سلسلہ ودھا ڈتے،فائرنگ دے تازہ واقعے اچ ترائے پاکستانی جوان نائیک تنویر، لانس نائیک تیمور اتے سپاہی رمضان شہید تھین۔پاک فوج ایندا چنگاں ولدا ڈتے اتے پنج فوجی ہلاک کر ڈتن جڈاں جو کئی بھارتی بنکرز تباہ وی تھین۔
