بھارتی وزیر دفاع راج ناتھ دا ایٹمی ہتھیاراں دے استعمال اچ پہل توں متعلق بیان وڈا مایوس کن ہے، جوہری ہتھیار پہلے استعمال نہ کرنڑ دا بھارت دا جھوٹا دعویٰ بے نقاب تھی گئے ، ایندے نال بھارت دے غیر ذمہ دارانہ اتے جارحانہ رویے دی عکاسی تھیندی ہے ، ترجمان دفتر خارجہ

اسلام آباد ۔ 17 اگست (اے پی پی) پاکستان ولوں آکھیا گئے جو بھارتی وزیر دفاع راج ناتھ دا ایٹمی ہتھیاراں دے استعمال اچ پہل کرنڑتوں متعلق بیان وڈا مایوس کن ہے، جوہری ہتھیار پہلے استعمال نہ کرنڑ دا بھارت دا جھوٹا دعویٰ وی بے نقاب تھی گئے ، ایندے نال بھارت دے غیر ذمہ دارانہ اتے جارحانہ رویے دی عکاسی تھیندی ہے۔ ترجمان دفتر خارجہ ڈاکٹر فیصل دا آکھنڑ ہا جو ایٹمی ہتھیاراں دے استعمال اچ پہل نہ کرنڑ دابھارتی وعدے تے اعتبار نی کیتا ونج جا سگدا،خاص کر بھارت دا جنگی جنون اتے فوج دی نقل وحرکت اچ ودھار اایجھے سارے دعواں دے خلاف ہے۔ ترجمان آکھیا جوپاکستان جنوبی ایشیا اچ ایٹمی اثاثاں دی حفاظت اتے ایں تے کمان اینڈکنٹرول بارے اقدامات سانگے مشورے ڈتے ،اتے ایں سلسلے اچ کہیں وی غلط اقدام توں پرے پرے رہونڑ چاہندے۔انہاں آکھیا جو پاکستان اپنڑے تحفظ کیتے ایٹمی صلاحیت ہمیشہ برقرار رکھیسی۔