بھارتی چینلاں اتے غیر قنونی بھارتی ڈی ٹی ایچ توں متعلق کوئی رعایت کائناں ڈتی ویسی، چیئر مین پیمرا دہ کیبل ٹی وی آپریٹراں کوں وارننگ ڈے ڈتی

اسلام آباد ۔ 20 اگست (اے پی پی) چیئر مین پاکستان الیکٹرونک ریگولیٹری اتھارٹی(پیمرا) محمد سلیم بیگ کیبل ٹی وی آپریٹراں کوں خبردار کیتے جو بھارتی چینلاں اتے غیر قنونی بھارتی ڈی ٹی ایچ توں متعلق کوئی رعایت کائناں ڈتی ویسی۔ منگل کوں پیمرا ریجنل آفس لہور دے دورہ دے موقع تے چیئرمین کیبل آپریٹرز کو ں ڈسایا جو پیمرا اتے سپریم کورٹ دے احکامات دی خلاف ورزی کرنڑ آلے کیبل آپریٹراں دے خلاف سخت قنونی کارروائی کیتی ویسی۔ جموں و کشمیر توں متعلق حالیہ پاک بھارت کشیدگی وجہ کیبل ٹی وی آپریٹراں کوں خبردار کیتا گئے جو بھارتی چینل ڈکھاونڑ آلے نیٹ ورک آپریٹراں دے خلاف ایف آئی آر درج کیتی ویسی۔ ملاقات اچ کیبل آپریٹراں دے نمائنداں کہیں وی بھارتی چینل کو ںنہ ڈکھاونڑ،پیمرا اتے ملک دے نال مکمل یکجہتی اتے حمایت دا یقین ڈیوایا۔انہاں یقین ڈیوایاجو بھارتی چینل ڈکھاونڑ آلے کہیں وی کیبل آپریٹر دی حمایت کائناں کریسوں۔ایندے علاوہ چیئر مین پیمر اکیبل آپریٹراں دے جائز مطالبات حل کرنڑ دایقین ڈیوایا ۔