اسلام آباد ۔ 16 اگست (اے پی پی) اطلاعات تے نشریات سانگے وزیراعظم دی معاون خصوصی ڈاکٹر فردوس عاشق اعوان آکھیے جووطن دے دفاع کیتے اپنڑیاں جاناں قربان کرنڑ آلے شہید اساڈا فخر ہن، پوری قوم انہاں کوں خراج عقیدت پیش کریندی ہے۔ جمعہ کوں ٹویٹر تے اپنڑے ہک پیغام اچ معاون خصوصی آکھیا جو بھارت لائن آف کنٹرول دے ڈوہائیں پاسے کشمیریاں کوں اپنڑے ظلم اتے بربریت دا نشانہ بنڑیندا پئے۔ فردوس عاشق اعوان آکھیے جو بھارت دے جارحانہ عزائم خطے دے امن کیتے خطرہ ہن۔ ڈاکٹر فردوس عاشق اعوان دا آکھنڑ ہا جواساں لائن آف کنٹرول تے بھارتی فوج دی بلااشتعال فائرنگ دی شدید مذمت کریندوں ۔
