اسلام آباد ۔25 اگست (اے پی پی) حج دا فرض اداکرنڑ دے بعد39 ہزار توں ودھ حاجی وطن واپس پج گن۔ ترجمان وزارت مذہبی امور مطابق حاجیاں دی وطن واپسی دا سلسلہ جاری ہے اتے ہنڑ تئیں 39 ہزار توں ودھ حاجی وطن واپس پج،جنہاں اچ 22 ہزار سرکاری جڈاں جو 17 ہزار پرائیوٹ حج سکیم دے توں حج کرنڑ آلے حاجی شامل ہن۔انہاں ڈسایا جو 16 ہزار توں ودھ حاجی مدینہ شریف پج ،جیرھے جواتھاں8 ڈینھ رہونڑ دے بعد وطن واپس پج ویسن،جڈاں جومدینہ شریف ایئرپورٹ توں وطن واپسی سانگے باقاعدہ فضائی آپریشن اتوار توں شروع تھی گئے ۔ترجمان ڈسایا جو سرکاری حج سکیم دے 86 ہزار حاجی حالی وی مکہ مکرمہ اچ موجود ہن،جنہاں دی واپسی دا سلسلہ مرحلہ وار جاری ہے اتے ملک دے 10 ایئر پورٹس تے حج فلائٹ آپریشن 15 ستمبر تئیں مکمل کرگھدا ویسی۔
