اسلام آباد ۔ 8 اگست (اے پی پی) وفاقی وزیر منصوبہ بندی، ترقی واصلاحات مخدوم خسرو بختیار آکھیے جو موجودہ حکومت ملک اچ توانائی دیان ضرورتاں کوں پورا کرنڑ کیتے ترجیحی بنیاداں تے اقدامات کریندی پئی اے تاں جو عوام کوں سستی بجلی ڈتی ونج سگے ۔ ایں حوالے نال حکومت ملک اچ بجلی دی ٹرانسمیشن لائنز اتے گرڈ سٹیشنز دی اپ گریڈیشن تے کم کریندی پئی اے تاں جو گھٹ وولٹیج جیہوجے مسلیں تے قابو پاتا ونج سگے ،اے گال انہاں سنٹرل ڈویلپمنٹ ورکنگ پارٹی دے اجلاس اچ آکھی اے جیں اچ توانائی دے ترائے منصوبے پیش کیتے گن جیں اچ پہلا منصوبہ 220 کے وی صوابی سب سٹیشن دی تعمیر کیتے 5826.09 ملین روپے دی لاگت دا پیش کیتا گے جیں دی اجلاس حتمی منظوری کیتے ایکنک کوں پٹھ ڈتے۔ توانائی دا ڈوجھا منصوبہ 220 کے وی نوابشاہ سب سٹیشن دی تعمیر کیتے5769.87 ملین روپے دی لاگت دا پیش کیتا گے جیں دی اجلاس حتمی منظوری کیتے ایکنک کوں بھجوا ڈتے ا۔توانائی دا تریجھا منصوبہ ملک دے مختلف علاقیں اچ 220 کے وی موبائل گریڈ سٹیشن اتے کہیں وی ہنگامی صورت حال نال نبڑنڑ کیتے 500 کے وی شنٹ ریکٹر دی خریداری کیتے 6246.60ملین روپے دی لاگت دا پیش کیتا گے جیں کوں اجلاس حتمی منظوری کیتے ایکنک کوں بھیج ڈتے ۔
