اسلام آباد ۔ 31 اگست (اے پی پی) وزیر خارجہ شاہ محمود قریشی خارجہ امور بارے امریکی کمیٹی ولوں مقبوضہ وادی دی صورتحال تے بحث دے اعلان کوں پاکستان دی وڈی سفارتی کامیابی قرار ڈیندے آکھیے جو خارجہ امور بارے امریکی کمیٹی اچ مقبوضہ کشمیر دی اجوکی صورتحال تے مباحثہ متنازعہ کشمیر دے حل کیتے بہوں اہم ثابت تھیسی۔ انہاں آکھیے جو ایں پیش رفت کیتے امریکہ اچ راہنڑ آلی پاکستانی کمیونٹی بہوں اہم کردار ادا کیتے۔ہک نجی ٹی وی چینل نال الویندے ہوئے انہاں دا آکھنڑ ہا جو مسلہ کشمیر بارے موثر سفارتکاری پاروں اے معاملہ جگ دے ہر اہم فورم تے زیر غور آندا پئے جیہڑا پاکستان دی ہک بہوں وڈی سفارتی کامیابی اے۔
