دنیا دی سبھ توں وڈی جیل مقبوضہ کشمیر اچ بنڑا ڈتی گی ہے، بھارت کشمیریاں دے حقوق تے ڈاکہ پا تے خوفناک کھیڈ کھیڈدا پئے،پاکستان دے22 کروڑ عوام مظلوم کشمیریاں دے مونڈھے نال مونڈھا لا تے کھڑن چیئرمین کشمیر کمیٹی سید فخر امام

اسلام آباد ۔25 اگست (اے پی پی) چیئرمین کشمیر کمیٹی سید فخر امام آکھیے جو دنیا دی سبھ توں وڈی جیل مقبوضہ کشمیر اچ بنڑا ڈتی گی ہے، بھارت کشمیریاں دے حقوق تے ڈاکہ پا تے خوفناک کھیڈ کھیڈدا پئے،پاکستان دے22 کروڑ عوام مظلوم کشمیریاں دے مونڈھے نال مونڈھا لا تے کھڑن۔ اتوار کوں دربار گولڑہ شریف تے119ویں” یوم فتح مبین ”دے حوالے نال تھیونڑ آلی تقریب توں خطاب کریندے ہوئیں سید فخر امام آکھیا جو بھارت کشمیر بارے جیرھا جو اقدام چاتے ایندا سوچ سمجھ تے جواب ڈیسوں،کشمیر دا تریخی پس منظر ڈیکھوں تاں تقسیم ویلھا ا یہ فیصلہ تھیا جو مسلم اکثریت آلے علاقے پاکستان اتے ہندو اکثریت آلے علاقے بھارت اچ شامل کیتے ونجنڑمگر کشمیر دے حوالے نال شروع توںہی سازش کیتی گی اتے بھارت ایں تے قبضہ کرگھدا اتے خود ہی مسئلہ کشمیر اقوام متحدہ اچ گھن گیا۔ انہاں آکھیا جو بدقسمتی نال اقوام متحدہ وی مسئلہ کشمیر دے حل سانگے سنجیدگی دا کوئی مظاہرہ نی کیتا،ہنڑپاکستان ولوں لکھے گئے خط دے بعد 54 سال بعد ایں مسئلے کوں اقوام متحدہ اچ ول چاتا گئے ،جیندے کیتے عالمی برادی کوں اپنڑا ںکردارکریندے ہوئیں مسئلے دا پرامن حل لبھنڑ چاہیدے۔ایں موقع تے فخر امام آکھیا جوپیر مہر علی شاہ اسلام کھنڈاونڑ سانگے اہم کردار ادا کیتا،انہاں دی خدمات ہمیشہ یاد رکھیاں ویسن