اسلام آباد ۔ 20 اگست (اے پی پی) سپریم کورٹ احتساب عدالت دے جج ارشد ملک دے حوالے نال ویڈیو سکینڈل کیس دی سماعت مکمل کریندے ہوئیں فیصلہ محفوظ کرگھدے۔ منگل کوں چیف جسٹس آصف سعید کھوسہ دی سربراہی اچ 3 رکنی بینچ کیس دی سماعت کیتی ۔ ایں موقع تے ایف آئی اے دے ڈی جی بشیر میمن ویڈیو سکینڈل دی تحقیقات دے حوالے نال عبوری رپورٹ عدالت اچ جمع کرائی جیں کوں عدالت غیر تسلی بخش قرار ڈتا تے آکھیا جو پریس کانفرنس دے دوران جیرھی ویڈیو ڈکھالی گی ہئی ایندی تحقیقات دے حوالے نال رپورٹ حالی تئیں سامنڑے کائنی آئی ۔ ڈی جی ایف آئی اے ڈسایا جو ویڈیو سکینڈل دے اصل کردار ملک توں باہر ہن ایں معاملے اچ مزید تحقیقات دی ضرورت اے۔ بعدااچ عدالت وکلاءدے دلائل سنڑنڑ دے بعد فیصلہ محفوظ کرگھدے۔
