اسلام آباد ۔ 23 اگست (اے پی پی) سپیکر قومی اسمبلی اسد قیصر نال جمعہ کوں پارلیمنٹ ہاﺅس اچ پاک فضائیہ دے سربراہ مجاہد انور خان ملاقات کیتی۔ ایں موقع تے سپیکر اسد قیصر ملکی دفاع سانگے پاک فضائیہ دے کردار دی تعریف کریندے ہوئیں آکھیا جو وطن دے دفاع سانگے پاک فضائیہ دی خدمات کو ں ہمیشہ یاد رکھیا ویسی۔ انہاں آکھیا جو پوری قوم دفاعی اداریاں دے پیچھوں کھڑی ہے۔ ایںموقع تے ایئر چیف آکھیا جو کہیں وی جارحیت دی صورت اچ پاک فضائیہ ہر دم تیار ہے، وطن عزیز دے دشمناں دی ہر حرکت تے نظر رکھی ہوئی ہے۔ ایں موقع تے سپیکر اتے پاک فضائیہ دے سربراہ پاکستان ویلفیئر ٹاﺅن بنڑاونڑ سانگے تفصیل نال گالھ مہاڑ کیتی۔
