اسلام آباد ۔ 5 اگست (اے پی پی) سی پیک تحت چین پاکستان دی سماجی، معاشی اتے فلا ح و بہبود کیتے ہک ارب ڈالر دی گرانٹ ڈیسی۔ سی پیک اتھارٹی حکام مطابق سی پیک منصوبہ تحت پاکستان اچ معیشت دے پائیدار نمو کیتے پنجاب حکومت پاکستان اتے چین وچال زراعت دے شعبے اچ سانجھا تعاون ودھاونڑ کیتے اقدامات کریسی،جیندے مطابق ملتان اچ186 ملین دی سانجھی کاٹن ریسرچ لیبارٹری جڈاں جو فیصل آباد اچ تیل دی لیبارٹری بنڑاونڑ سانگے حکمت عملی تیار کیتی ویندی پی ہے۔ واضح رہوے جو چین پاکستان اچ معاشی تے سماجی فلاح و بہبود دے شعبے دی ترقی کیتے 1 ارب ڈالر دی گرانٹ جاری کیتی ہے،جیندی مدد نال پاکستان دے پسماندہ علاقیاں کوں ترقی دی رستے تے ٹرن دے موقع ملسن۔
