عالمی برادری کشمیریاں تے مظالم رکوانڑ سانگے بھارت تے پریشر پاوے، پاکستانی فوج اتے عوام کشمیریاں دے نال کھڑے ہن اتے کشمیریاں دی امداد سانگے ہر حد تئیں ویسن ، صحافی تنظیماں کشمیریاں نال اظہار یکجہتی سانگے ریلی کڈھ تے انہاں دی آواز بنڑن ، بندوق دے مقابلے اچ قلم دی طاقت ودھ ہوندی ہے وفاقی وزیر امور کشمیر تے گلگت بلتستان علی امین گنڈاپور اتے مشعال ملک داصحافی تنظیماں دی مقبوضہ کشمیر دے عوام نال اظہار یکجہتی ریلی توں خطاب

اسلام آباد ۔ 23 اگست (اے پی پی)وفاقی وزیر امور کشمیر تے گلگت بلتستان علی امین گنڈاپور اتے مشعال ملک جمعہ کوں صحافی تنظیماں ولوں کڈھی گی مقبوضہ کشمیر دے عوام نال اظہار یکجہتی دی ریلی اچ شرکت کیتی ۔ایں موقع تے گالھ مہاڑ کریندے ہوئیں علی امین گنڈا پور آکھیا جوعالمی برادری کشمیریاں تے مظالم رکوانڑ سانگے بھارت تے پریشر پاوے۔انہاں آکھیاجوپاکستانی فوج اتے عوام کشمیریاں دے نال کھڑے ہن اتے کشمیریاں دی امداد سانگے ہر حد تئیں ویسن ۔انہاں آکھیا جو صحافی تنظیماں کشمیریاں نال اظہار یکجہتی سانگے ریلی کڈھ تے انہاں دی آواز بنڑیاں ہن، بندوق دے مقابلے اچ قلم دی طاقت ودھ ہوندی ہے۔انہاں آکھیا جو کشمیر بارے اساں بھارت دے نال نظریاتی جنگ لڑ دے پئے ہسے، ہک پاسے انتہاپسندانہ نظریہ بھارت دا ہے جڈاں جو ڈوجھے پاسے پاکستان دے نال جڑے مظلوم کشمیری ہن ،جنہاں دا موقف حق اتے سچ ہے۔انہاں آکھیا جو پاکستان کشمیریاں دی بین الاقوامی سطح تے اخلاقی، سیاسی اتے سفارتی حمایت جاری رکھیسی،کیونجو کشمیر پاکستان دا دفاعی حصار ہے۔