اسلام آباد ۔ 23 اگست (اے پی پی) وزیراعظم عمران خان بین الاقوامی برادری کوں خبردار کیتے جو بھارت مقبوضہ کشمیر اچ وڈے پیمانے تے انسانی حقوق دیاں سنگین خلاف ورزیاں نال عالمی توجہ ہٹاونڑ کیتے نقلی فلیگ اپریشن کرسگدے ۔جمعے کوں اپنڑے ہک ٹویٹ اچ وزیراعظم آکھیے جو بھارتی میڈیا دا اے دعویٰ سامنڑے آئے جو افغانستان توں دہشت گرد مقبوضہ کشمیر اچ کاروائیاں کیتے داخل تھی گن ۔ بھارتی دعوے دے مطابق کجھ دہشت گرد بھارت دے جنوبی علاقیں اچ داخل تھن ۔وزیراعظم آکھیے جو بھارتی قیادت ولوں مقبوضہ کشمیر اچ قتل عام اتے نسل کشی دے اپنڑے ایجنڈے نال عالمی برادری دی توجہ ہٹاونڑ کیتے ایجھے دعوے متوقع ہن۔عالمی برادری کوں خبردار کریندوں جو بھارت انہاں دعویں دی بنیاد تے کہیں نقلی فلیگ اپریشن دی کوشش کرسگدے ۔
