اسلام آباد ۔ 23 اگست (اے پی پی) پولیو مکاونر کیتے پورے ملک اچ مہم جاری اے ۔وزیراعظم عمران خان دی خصوصی ہدایات تے وفاقی دارالحکومت سمیت صوبیں نال پولیو دے خاتمے کیتے اقدامات کیتے ویندے پن ۔معاون خصوصی انسداد پولیو بابر عطا اپنڑے بیان اچ آکھیے جو ملک اچ 53 پولیو دے کیس سامنڑے آئین ۔انہاں آکھیے جو اجوکے سال بہوں سارے پولیو کیسز دا تعلق بنوں توں اے ۔پولیو توں متاثرہ بالاں کوں انسداد پولیو دے قطرے کائنی پلائے گے ۔انہاں آکھیے جو پولیو ویکسین واحد حل اے پولیو دی جدید ترین لیبارٹری اسلام آباد اچ موجود اے تے انہاں قطریں نال سارے مسلمان ملکاں توں پولیو مکایا گے ۔ پولیو ویکسین مسلمان ملک انڈونیشیا توں منگوائی ویندی اے انہاں آکھیے جو اج تئیں پولیو ویکسین نال کہیں بال ضیان کائنی پجا ۔
