اسلام آباد ۔ یکم اگست (اے پی پی)قومی اسمبلی اچ آرمی ایوی ایشن تربیتی جہاز دے حادثے‘ شدید سیلابی مینھ اتے کوئٹہ بمب دھماکے دے شہیداں دے ایصال ثواب کیتے فاتحہ خوانی کرائی گی۔ خمیس کوں قومی اسمبلی اجلاس دے شروع اچ ڈپٹی سپیکر آکھیا جو تربیتی جہاز دے حادثے اچ شہید تھیونڑ آلیاں‘ شدید مینھ دے نتیجے اچ مرنڑ آلیاں اتے کوئٹہ اچ دھماکے نال شہید تھیونڑ آلیاں دے ایصال ثواب کیتے فاتحہ خوانی کرائی ونجے۔ وزیر مملکت پارلیمانی امور علی محمد خان دعائے مغفرت کروائی۔
