لہور اچ بین الاقوامی سکھ کنونشن،وزیر اطلاعات، وزیر مذہبی اموراتے گورنر پنجاب داخطاب، پورے جگ توں سکھاں دی بھرپور شرکت

APP16-31 LAHORE: August 31 - Governor Punjab Ch Muhammad Sarwar addressing to the International Sikh Convention on 550th Janam Din Celebrations of Baba Guru Nanak at Governor House. APP photo by Ch Mubarak Ali

لہور ۔ 31 اگست (اے پی پی)لہور اچ بین الاقوامی سکھ کنونشن تھئے جیندے نال وزیر اطلاعات و نشریات ڈاکٹر فردوس عاشق اعوان،وفاقی وزیر مذہبی امورپیر نور الحق وقادری اتے گورنر پنجاب چوہدری محمد سرور خطاب کیتے جڈاں جو کنونشن اچ پورے جگ توں سکھاں بھرپور شرکت کیتی۔ ایں موقع تے گورنر پنجاب چوہدری محمد سروردا آکھنڑ ہا جو کرتار پور راہداری کھولنڑ اچ کوئی رکاوٹ کائنی اتے ایندا اسی فیصد کم مکمل کر گھدا گئے۔ انہاں آکھیئے جو کرتارپور راہداری مکمل تھیونڑ تے سکھ برادری دیاں اکھیں کھل ویسن جو پاکستان اچ اقلیتاں کوں کیویں مذہبی ا ٓزادی حاصل اے اتے بھارت اچ انہاں دی کیا حالت اے۔ انہاںا ٓکھیے جو کرتار پور راہداری سانگے سڑکاں دی تعمیر دا کم تھیندا پئے تاں جو آونڑ آلی سکھ برادری کوں کوئی اوکھ نہ تھیوے اتے انہاں کوں ہر سوکھ ملے۔