اسلام آباد ۔ 8 اگست (اے پی پی) وفاقی وزیر ریلوے شیخ رشید خمیس کوںنیشنل پریس کلب اسلام آباد ا چ پریس کانفرنس کریندے ہوئیں آکھیا جو مقبوضہ کشمیرتے بھارت دے منافقانہ، جاہلانہ اتے احمقانہ فیصلے دے خلاف وزارت ریلوے سمجھوتہ ایکسپریس بند کرنڑ دا فیصلہ کیتے۔انہاں آکھیا جو ٹرین واہگہ بارڈر تے پجا ڈتی ہے اتے بھارت کوں ڈسا ڈتا گئے جو اوہ اپنڑے مسافراں اتے بوگیاں کوں اپنڑاں انجن لا تے گھن ونجے۔انہاں آکھیا جو سمجھوتہ ایکسپریس دی بوگیاں عید تے کراچی تے بئے شہراں دی ریل گاڈیاں دے نال لاونڑ دی ہدایت کرڈتی گی ہے۔شیخ رشید آکھیا جو اساں امن چاہندوں لیکن کشمیر تے کوئی سمجھوتہ نی تھی سگدا۔انہاں آکھیا جو بھارت دے احمقانہ فیصلہ نال کجھ وی تھی سگدے، جنگ وی تھی سگدی ہے لیکن اساں جنگ نی امن چاہندوں، لیکن اگر جنگ مسلط کرنڑ دی کوشش کیتی گی تا ں ایہ فیصلہ کن جنگ ہوسی۔ انہاں آکھیا جو جڈاں تئیں وزیر ریلوے ہاں سمجھوتہ ایکسپریس کائناں چلسی۔ انہاں آکھیا جونریندر مودی دی سیاست بابری مسجد توں شروع تھئی ۔
