اسلام آباد ۔ 23 اگست (اے پی پی)وفاقی وزیر سائنس تے ٹیکنالوجی چوہدری فواد حسین آکھیے جومقبوضہ کشمیر تے انسانی حقوق توں متعلق اقوام متحدہ دی رپورٹ ہی بھارت سانگے چارج شیٹ ہے، وزیراعظم عمران خان اتے آرمی چیف جنرل باجوہ دی کوششاں امن سانگے ہن۔ جمعہ کوںاسلام آباد اچ میڈیا نال گالھ مہاڑ کریندے ہوئیں وفاقی وزیر آکھیا جو بھارت مقبوضہ وادی اچ ظلم دے انتہا کرڈتی ہے۔ مقبوضہ کشمیر اتے انسانی حقوق توں متعلق اقوام متحدہ د رپورٹ ہی بھارت سانگے چارج شیٹ ہے۔ فواد چوہدری کشمیر توں متعلق امریکی صدر دی ثالثی دی کوششاں دی تعریف کریندے ہوئیں آکھیا جو ٹرمپ ایں سانگے کوششاں کریندے پن، مودی کوں دنیا دی زبان سمجھ نی آ ندی پی۔ انہاں آکھیا جو بھارت ہمیشہ توں دہشت گردی دے بے بنیاد اتے کوڑے الزام لیندا رہے، لیکن بھارت اج خود دہشت گردی کر یندا پئے، اج کل بھارت دی اپنڑیں لیڈر شپ فاشسٹ بنڑ گی ہے۔ انہاں خطے اچ پاکستان دی امن کوششاں بارے آکھیا جو عمران خان اتے آرمی چیف جنرل باجوہ دی کوششاں امن سانگے ہن۔ انہاں آکھیا جوپاکستان جارحیت کیتے نی کھڑا، اساں امن دی گالھ کریندوں، خطے دی صورتحال دے پیش نظر جنرل باجوہ دی مدت ملازت اچ توسیع خوش آئندہ ہے۔
