اسلام آباد ۔8اگست (اے پی پی)ملک دے اتلے علاقیاںصوبہ خیبرپختونخوا اتے پنجاب اچ 5.8 شدت دا بھوئیں امب(زلزلہ)آئے جیندا مرکز افغانستان اچ کوہ ہندو کش سلسلہ ہا اتے ایندی زیر زمین موجودگی 226 کلومیٹر ہئی۔ریکٹر اسکیل تے بھوئیں امب دی شدت 5.8 ریکارڈ کیتی گئی۔لکی مروت، بنوں، مردان ، ہنگو، مالاکنڈ، کوہاٹ، شمالی وزیرستان اتے نیڑے دے علاقیاں اچ بھوئیں امب دے ہلاوے آئن۔وفاقی دارالحکومت اسلام آباد دے علاوہ پنجاب اچ راولپنڈی ،لہور، سرگودھا، سیالکوٹ، جھنگ، چنیوٹ، ٹوبہ ٹیک سنگھ اتے بئے علاقیاں اچ وی ہلاوے آئن بھل کہیں جانی مالی زیان دی اطلاع نئیں ملی۔
