ملیحہ لودھی دی سلامتی کونسل دی صدر، سفارتکاراں اتے اقوام متحدہ دے حکام نال ملاقاتاں ، مقبوضہ کشمیر بارے بھارتی اقدامات پاروں پیدا تھیونڑ آلی صورت حال دا ڈسایا

اقوام متحدہ ۔ 7 اگست (اے پی پی) اقوام متحدہ اچ پاکستان دی مستقل مندوب ملیحہ لودھی آکھیے جو مقبوضہ کشمیر دے حوالے نال آئین اچ ترمیم دا بھارتی اقدام اختیارتوں تجاوز اتے غلط اے ۔اے گال انہاں اقوام متحدہ دی سلامتی کونسل دے صدر، سفارتکاراں اتے اقوام متحدہ دے حکام کوں جنوبی ایشیاءدی تازہ ترین صورتحال تے بریفنگ ڈیندے ہوئیں آکھی اے ۔انہاں متعلقہ حکام کوں مقبوضہ جموں کشمیر دے حوالے نال کیتے گے بھارت دے غیر قانونی تے غیر آئینی اقدامات بارے ڈسایا۔ پاکستانی سفیر اقوام متحدہ اچ بئے ملکاں دے مستقل مندوبین کوں بھارتی اقدامات بارے ڈسایا جیرھے جو کشمیر بارے سلامتی کونسل دیاں قرارداداں دے خلاف انہاں کیتن ۔انہاں آکھیا جو مقبوضہ وادی دی خصوصی حیثیت تبدیل کرنڑ نال خطے دا امن متاثر تھیونڑ ڈر اے ۔ ملیحہ لودھی بئے سفارتکاروں دے نال نال چینی سفیر جن ژینگ نال وی ملاقات کیتی ۔ پاکستانی مندوب اگست کیتے 15 رکنی سلامتی کونسل دی صدر پو لینڈ دی جوانا رونیکا نال وی ملاقات کیتی جنہاں بھارتی اقدام کوں کشمیریاں دی عزت نفس دی شدید توہین قرار ڈتا۔ ملیحہ لودھی سلامتی کونسل توں مطالبہ کیتے جو او بھارت توں غیر قانونی اقدامات دی واپسی کیتے مطالبہ کرے تے سلامتی کونسل دیاں قرارداداں تے عمل درآمد کوں یقینی بنڑاوے ۔ ایندے علاوہ دہائیاں پرانڑیں کشمیر بارے غیر قانونی اقدامات توں بھارت کوں روکیا ونجے ۔ پاکستانی سفیر سلامتی کونسل دی صدر کوں ڈسائے جو بھارت 1947ءاچ کشمیر تے غاصبانہ قبضہ کرگھدا ہئی۔ انہاں آکھیا جو اجوکے بھارتی اقدامات دا مقصد کشمیر دی لسانی اتے جغرافیائی صورتحال کوں تبدیل کرنڑ اے ۔ انہاں آکھیا جو بھارت دے اقدامات سلامتی کونسل دیاں قرار داداں دی سرا سر نفی ہن کیوں جو سلامتی کونسل کشمیر یاں دے خلاف حق خود ارادیت دیاں قرارداداں منظور کر رکھین ۔ انہاں آکھیا جو مقبوضہ کشمیردے عوام ہی اپنڑے مستقبل دا فیصلہ کر سگدن ۔ انہاں آکھیا جو پاکستان بھارت دے غیر قانونی اقدامات دی شدید مذمت کریندے تے بھارت پارلیمانی قانون دے ذریعے کشمیریاں دی حق خود ارادیت کیتے جاری جدوجہد کوں ختم نی کرسگدا ۔ سلامتی کونسل دی صدر بھارتی اقدام کوں یکسر مسترد کریندے ہوئیں آکھیے جو بھارتی وزیراعظم نریندر مودی دے سیاسی مفادات تے مبنی اقدامات دے خلاف بھارت اچ وی آواز بلند تھیندی پئی اے ۔ انہاں آکھیے جو بھارت اپنڑے اقدامات دے غیر قانونی تھیونڑ توں آگاہ اے لیکن تعصب اتے سیاسی مقاصد کیتے اینویں کریندا پئے۔ سلامتی کونسل دی صدر آکھیا جو او مقبوضہ کشمیر دی صورتحال نال پوری طرح آگاہ اے تے بھارتی ظلم دے خاتمے کیتے کردار ادا کریسن ۔