ملتان ۔ 31 اگست (اے پی پی) وزیراعظم عمران خان آکھیے جو مودی دی حکومت ولوں مسلماناں دی نسل کشی دی سازش عالمی میڈیااچ بے نقاب تھیونڑتے جگ اچ خطرے دیاں ٹلیاں وجنڑیاں چاہیدن اتے پورے جگ کوں سجاکا تھیونڑا چاہیدے۔ اپنڑے ہک ٹویٹ اچ وزیراعظم عمران خان آکھیے جو مقبوضہ جمون اتے کشمیر اچ غاصبانہ قبضہ اتے ایندی خصوصی حیثیت کوں مکاونڑ دا مودی حکومت دا اقدام مسلماناں کوں نشانہ بنڑاونڑ دی پالیسی دا حصہ اے،جگ کوں چاہیدے جو ایندا فوری نوٹس گھنے اتے بھارت کوں غیر جمہوری اتے غیر انسانی حرکتاں توں روکے۔
