موسمیاتی تبدیلی نال پوری دنیا متاثر تھیندی پئی اے،زیادہ متاثر ملکاں اچ پاکستان وی شامل اے ، شفقت محمود

اسلام آباد ۔ 19 اگست (اے پی پی) وفاقی وزیر تعلیم و پیشہ ورانہ تربیت شفقت محمود شجرکاری مہم دے تحت وفاقی تعلیمی بورڈ دے احاطے اچ بوٹا لاتا ۔سنوار کوں شفقت محمود بوٹا لاونڑ دے بعد آکھیے جو ماحولیات اساڈا اہم مسئلہ اے ،اساکوں اپنڑے کل بارے سوچنڑاں ہوسی ۔موسمیاتی تبدیلی نال پوری دنیا متاثر تھیندی پئی اے تے ساریں توں ودھ متاثر تھیونڑ آلے ملکاں اچ پاکستان وی شامل اے ۔ شجرکاری ہی واحد حل اے جیں نال موسمیاتی تبدیلیاں دے اثرات نال نبڑیا ونج سگدے۔