اسلام آباد ۔25 اگست (اے پی پی) قومی احتساب بیورو دے چیئرمین جسٹس جاوید اقبال آکھیے جو نیب میگا کرپشن دے مقدمات کوں انجام تئیں پجاونڑ سانگے کوششاں کریندا پئے کیونجو میگا کرپشن دے وائٹ کالر مقدمے نیب دی نہ صرف پہلی ترجیح ہے بلکہ ایندے کیتے سارے اقدامات اتے وسائل استعمال کیتے ویندے پن۔ انہاں آکھیا جو نیب دا بنیادی مقصد ملک توں کرپشن مکاونڑ اتے کرپٹ عناصر توں عوام دی لوٹی ہوئی رقم دی وختی واپسی ہے۔ نیب ہنڑ تئیں 326ارب روپے برآمد کرتے قومی خزانے اچ جمع کروائے ہن۔ انہاں آکھیا جو نیب گزریل 20مہیناں اچ تقریباً 71ارب روپے ڈائریکٹ اتے ان ڈائریکٹ طریقے توںبرآمد کرتے قومی خزانے اچ جمع کروائے ہن،جیرھی جو ہک ریکارڈ کامیابی ہے۔ نیب گزریل 20مہیناں اچ 600بدعنوانی دے ریفرنس معزز احتساب عدالتاں اچ جمع کروائے ہن،ایندے علاوہ نیب غیرقنونی ہاﺅسنگ سوسائٹیاں دے مالکاں توں عوام دے اربوں روپے برآمد کر تے متاثرین ہاﺅسنگ سوسائٹیاں کوں واپس کیتے ہن۔ انہاں آکھیے جوایں ویلھے نیب دے 1223کرپشن دے ریفرنس معزز احتساب عدالتاں اچ زیرسماعت ہن ،جنہاں دی کل مالیت تقریباً 900ارب روپے ہے۔ انہاں آکھیا جو نیب ہک قومی ادارہ ہے جیندے افسراپنڑے فرائض پوری ایمانداری، محنت، لگن اتے اینکوںقومی فرض سمجھ تے سرانجام ڈیندے پن۔ انہاں آکھیا جو ” نیب دا ایمان“ کرپشن فری پاکستان ہے جیندے کیتے احتساب ساریاں سانگے دی پالیسی تے سختی نال عمل کیتا ویندا پئے۔
