اسلام آباد ۔ 18 اگست (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو درخت موسمیاتی تبدیلی، گرمی سردی ہی نئیں آونڑ آلیاں نسلاں کیتے وی جیونڑ دا سنیہا ڈیندن،درخت لاونڑ صدقہ جاریہ اتے سنت نبوی اے، ہر کہیں کوں اپنڑے گھر گلی، سڑک،محلے اچ بوٹے لاونڑے چاہیدن۔اے گالھ انہاں پی ٹی وی ہیڈکوارٹرزاچ پلانٹ فار پاکستان مہم دے تحت بوٹا لاونڑ ویلھے آکھی۔وفاقی سیکرٹری اطلاعات و نشریات زاہدہ پروین، چیئرمین پی ٹی وی ارشد خان اتے منیجنگ ڈائریکٹر پی ٹی وی عامر منظوردے علاوہ بئے حکام وی اوں ویلھے موجود ہن۔بوٹا لاونڑ توں بعد انہاں ملک دی ترقی، خوشحالی اتے استحکام کیتے خصوصی دعاوی کیتی۔انہاں آکھیے جو پلانٹ فار پاکستان دے تحت پنج سال اچ پورے ملک اچ 10 ارب درخت لاونڑدا ہدف رکھیا گئے اتے 190 توں ودھ مقامات تے بوٹے ڈیونڑ دے مراکز بنڑائے گین۔
