وزیراعظم عمران خان بے نامی جائیداداں دے خلاف کریک ڈاون دے حوالہ نال وڈا فیصلہ کرگھدے، سارے افسران 30 ستمبر تئیں اپنڑیں رپورٹ چیئرمین ایف بی آر کوں بھجوانڑ دے پابند ہوسن، وزیراعظم دے حکم تے سارے ملک اچ ڈپٹی کمشنراں اتے ڈویلپمنٹ اتھارٹیز دے سربراہواں کوں بے نامی جائیداداں دی نشاندہی کرنڑ دی ذمہ داری ڈے ڈتی گی ، وزیراعظم آفس ولوں سارے صوبائی چیف سیکرٹریز کوں مراسلے بھیج ڈتے گن

اسلام آباد ۔ 23 اگست (اے پی پی) وزیراعظم عمران خان بے نامی جائیداداں دے خلاف کریک ڈاون دے حوالہ نال ودا فیصلہ کرگھدے، سارے افسران 30 ستمبر تئیں اپنڑیں رپورٹ چیئرمین ایف بی آر کوں بھجوانڑ دے پابند ہوسن، وزیراعظم دے حکم تے سارے ملک اچ ڈپٹی کمشنراں اتے ڈویلپمنٹ اتھارٹیز دے سربراہواں کوں بے نامی جائیداداں دی نشاندہی کرنڑ دی ذمہ داری ڈے ڈتی گی ، وزیراعظم آفس ولوں سارے صوبائی چیف سیکرٹریز کوں مراسلے بھیج ڈتے گن۔ ایں سلسلے اچ جمعہ کوں وزیراعظم آفس ولوں سارے صوبائی چیف سیکرٹریز کوں مراسلے بھےج ڈتے گن۔ وزےراعظم آفس توں جاری مراسلے مطابق وزےراعظم عمران خان ہداےت کیتی ہے جو سارے ڈپٹی کمشنر ہک مہینے اچ اپنڑے متعلقہ علاقیاں اچ واقع بے نامی اتے مشکوک جائیداداں دی نشاندہی کرتے رپورٹ پیش کرنڑ۔ رپورٹ اچ نشاندہی نہ کیتی گی بے نامی جائیداد دا بعد اچ پتہ چلنڑ تے متعلقہ ڈپٹی کمشنر/ڈویلپمنٹ اتھارٹی دے سربراہ کوں ذمہ دار ٹھہرایا ویس، متعلقہ افسر دے خلاف بے نامی قنون تحت کارروائی عمل اچ لاتی ویسی۔ سارے افسران 30 ستمبر تئیں اپنڑیں رپورٹ چیئرمین ایف بی آر کوں بھجوانڑ دے پابند ہن۔ وزیراعظم آفس کوں وی ایں رپورٹ دی نقل بھیجی ویسی۔