اسلام آباد ۔ 17 اگست (اے پی پی)وزیراعظم عمران خان دا مقبوضہ کشمیر دی سنگین صورتحال تے غورسانگے اقوام متحدہ دی سلامتی کونسل دے اجلاس دا خیرمقدم کریندے ہوئیں آکھیے جو50سالاں اچ ایہ پہلی واری تھئے جو دنیا دے اعلیٰ ترین سفارتی فورم ایں مسئلے کوں چاتے۔ ہفتہ کوں اپنڑے ہک ٹویٹ اچ وزیراعظم آکھیا جوسلامتی کونسل دی11قرار داداں ہن ،جنہاں اچ کشمیریاں دے حق خود ارادیت دااعادہ کیتا گئے۔ انہاں آکھیا جو اقوام متحدہ دی سلامتی کونسل دااجلاس انہاں قرارداداں دی توثیق ہے ،لہذا کشمیری عوام دی مشکلاں کوں دور کرنڑ اتے ایں جھیڑھے دا حل یقینی بناونڑ عالمی ادارے دی ذمے داری ہے۔
