اسلام آباد ۔ 10 اگست (اے پی پی) وزیراعظم عمران خان دے معاون خصوصی برائے قومی صحت ڈاکٹر ظفر مرزا اتے معاون خصوصی برائے سمندر پار پاکستانیزو ترقی انسانی وسائل سید ذوالفقارعباس بخاری آکھیے جو وزیراعظم عمران خان ملک دے عام عوام اتے معاشرے دے متاثرہ طبقات سودھے متوسط طبقہ کیتے دردمندہیں تہوں کجھ مسلیاں دے باوجود احساس پروگرام شروع کیتا گئے،صحت سہولت پروگرام ملک دے 43 اضلاع اچ کم کریندا پئے۔اے گالھ انہاں اسلام آباد اچ پریس کانفرنس کریندے آکھی۔انہاںا ٓکھیے جو وزیراعظم تھرپارکر اتے قبائلی اضلاع اچ صحت سہولت کارڈ ڈیونڑ دی ہدایت کیتی اے،سمندر پار مقیم پاکستانیاں اے، انسانی وسائل دی ترقی اتے وزارت قومی صحت دے گانڈھے نال بیرون ملک کم کرنڑ آلے پاکستانیاں دے اہلخانہ کوں ہیلتھ انشورنس ڈتی ویسی،سکیم دے تحت ہک خاندان کوں ہک سال کیتے 7 لکھ 20ہزار روپے دے علاج معالجے دی سہولت ملسی جیندے اچ دل دے امراض، ڈائیلاسز،وڈی سرجری اتے بنھاں بیماریاں دا اعلاج کیتا ونج سگسی۔زلفی بخاری آکھیا جو سمندر پار پاکستانیاں کیتے ہیلتھ کارڈدا اجراءترجیحی بنیادتے تھیندا پئے،اے سہولت ملک دے ہر حصے اچ ملسی۔انہاںا ٓکھیے جو بیرون ملک پاکستانی پندرھاں اگست کوں بھارت دا یوم ا ٓزادی یوم سیاہ دے طور تے منا تے کشمیریاں نال اظہار یکجہتی کرن اتے جگ کوں ایندے تے توجہ ڈیواون جو او بھارت کوں انسانی حقوق دیاں سنگین خلاف ورزیاں توں روکے۔
