وزیراعظم عمران خان نال وفاقی وزیر بحری امور سیّد علی حیدر زیدی دی ملاقات

اسلام آباد ۔ 23 اگست (اے پی پی) وزیراعظم عمران خان نال وفاقی وزیر بحری امور سیّد علی حیدر زیدی جمعے کوں اتھاں وزیراعظم آفس اچ ملاقات کیتی ۔ وزیر بحری امور وزیراعظم کوں کلین کراچی مہم دے تحت شہر قائد اچ صفائی ستھرائی دے حوالے نال تھیونڑ آلی پیشرفت تے تفصیلی بریفنگ ڈتی ۔ وزیراعظم کراچی جیہے وڈے شہر اچ کچرے کیتے گاربیج ٹرانسفر سٹیشنز دی گھٹ تعداد دا نوٹس گھندے ہوئیں انہاں دی تعداد کوں ہک مربوط حکمت عملی دے تحت ودھاونڑ تے کوڑا کرکٹ کوں مناسب طریقے نال ٹھکانڑیں لاونڑ کوں یقینی بنڑاونڑ دی ہدایت کیتی ۔ وزیراعظم آکھیے جو کراچی ملک دا اقتصادی مرکز اے، ماضی دی بدانتظامی شہر قائد دا روایتی حسن تباہ کیتے تے کراچی دے رہنڑ آلیں کوں اجیرن کرڈتے ۔ایں صورت حال دا مکمل خاتمہ ضروری اے ۔ انہاں کراچی توں منتخب تھیونڑ آلے پاکستان تحریک انصاف دے ممبران قومی و صوبائی اسمبلی کوں وی مہم اچ ودھ چڑھ تے حصہ گھننڑ دی ہدایت کیتی ۔