وفاقی وزیر ریلوے شیخ رشید احمد دی پاکستان ریلویز دی ہک سال دی کارکردگی بارے پریس کانفرنس

APP25-22 LAHORE: August 22 – Federal Minister for Railways Sheikh Rasheed Ahmad addressing a press conference at Railway Headquarters. APP photo by Zahid Chaudhary

لاہور۔22 اگست(اے پی پی )‘ وفاقی وزیر ریلوے شیخ رشید احمد ریلوے ہیڈ کوارٹرز لہور اچ پریس کانفرنس کریندے ہوئیں آکھیا جوپاکستان ریلویز ہک سال دے عرصے اندرتریخ اچ پہلی واری 54 ارب 59 کروڑ وپے دا ریکارڈ ریونیو حاصل کیتے ۔انہاں آکھیا جو مالی سال دے بجٹ ٹارگٹ توں4 ارب روپے ودھ آمدن تھی ہے‘ ایں طرح10 ارب روپے ودھ آمدن دی وجہ نال سالانہ خسارے اچ 4 ارب روپے دی ریکارڈ گھٹکی تھی۔انہاں آکھیاجو موجودہ دور حکومت دے پہلے سال اچ 24 نویاں مسافر ریل گاڈیاںشروع کیتیاںگن ‘ مسافراں دی تعداد اچ 80 لکھ ودھارا تھئے، جڈاں جو نویاں کنٹینر ٹریناں چلا تے سامان دی ترسیل اچ 4 توں 7 فیصد ودھارا تھئے ۔انہاں آکھیا جو نویاں ریل گاڈیاںچلاونڑ دے باوجود 35 لکھ لیٹر فیول دی بچت کیتی گی ہے ۔انہاں آکھیا جوسی پیک تحت کراچی پشاور مین لائن ون تے 1872 کلومیٹر ٹریک اپ گریڈیشن سانگے چین دے نال ایم ایل ون معاہدے تے دستخط کیتے گن۔شیخ رشید آکھیا جو گریڈ I توں 10 تئیں 10 ہزارنویاں بھرتیاں دا عمل عنقریب مکمل تھی ویسی۔انہاں آکھیا جو پاک ریل لائیو ایپ نال ریل گاڈیاں دی لائیو ٹریکنگ جاری کیتی گی ہے‘ 65 سال توں ودھ عمر دے مسافراں کیتے 50 فیصد رعایت ڈتی گی‘ لہور، حسن ابدال اتے ننکانہ صاحب اسٹیشن دی تزئین و آرائش دے نال نال 7 وڈے ریلوے اسٹیشناں تے مفت وائی فائی سروس شروع جڈاں جو اہم ریلوے اسٹیشناں تے مسافراں کیتے ڈاکٹراں دا انتظام کیتا گئے۔