اسلام آباد ۔ 20 اگست (اے پی پی) پارلیمنٹ اچ موجودہ حکومت دے پہلے سال دوران 7 قوانین دی منظوری ڈتی گی جڈاں جو 7 آرڈیننس قومی اسمبلی اچ پیش کیتے گن ، 21 بل قومی اسمبلی اتے 4 سینیٹ اچ متعارف کرائے گن۔ پاکستان تحریک انصاف دی حکومت دے پہلے سال دی جاری کارکردگی رپورٹ مطابق وزارت پارلیمانی امور پارلیمنٹ کو ں چنگے طریقے نال چلاونڑ سانگے اپنڑاںکردار ادا کیتے۔ قومی اسمبلی اچ اپنڑے پہلے سال قنون سازی دے حوالے نال اگست 2018ءتوں اگست 2019ءتئیں اہم امور نبیڑے گن۔ پارلیمنٹ دے سیشن پارلیمانی کیلنڈر مطابق اجلاس وختی طلب کیتے گن اتے آئین مطابق پارلیمانی سال دے لازمی ڈینھ پورے کیتے گن۔ اسلامی تعلیمات اتے قومی مفادات دے برعکس کوئی بل یا مسودہ پیش نی کیتا گیا ۔ موجودہ پارلیمنٹ دے پہلے سال اچ ہی وزیراعظم سوالیں دے وقفے بارے بل پیش کیتا گیا ۔ کمیٹیاں دی 10 رپورٹاں قومی اسمبلی جڈاں جو 13 سینیٹ اچ پیش کیتیاں گن ۔ ہک سال دوران مختلف وزارتاں دے حوالے نال قومی اسمبلی اتے سینیٹ اچ ہزاراں سوالیں دے جواب ڈتے گن۔ موجودہ پارلیمنٹ دی سبھ توں وڈی کامیابی فاٹا دے علاقیاں دی نویاں حد بندیاں بارے الیکشن ایکٹ 2017ءاچ تبدیلی ہے۔ وزارت پارلیمانی امور حکومت دی کفایت شعاری پالیسی تے سختی نال عمل کیتی۔ وفاقی وزیر دے صوابدیدی فنڈ وچوں ہک پیسہ وی خرچ نی کیتا گیا۔۔
