اسلام آباد ۔ 6 اگست (اے پی پی) پارلیمنٹ دے سانجھے اجلاس اچ بھارت ولوںکشمیر دی خصوصی حیثیت دے خاتمے اتے بلااشتعال فائرنگ ‘ کلسٹر بماں دے استعمال اتے مقبوضہ جموں و کشمیر اچ ودھیک فوجیاں دی تعیناتی نال پیدا تھیونڑ آلی صورت حال تے بحث کیتے تحریک پیش کیتی گئی ۔ منگل کوں پارلیمنٹ دے سانجھے اجلاس دے موقع تے وفاقی وزیر پارلیمانی امور اعظم خان سواتی تحریک پیش کیتی جو اے ایوان مقبوضہ جموں وکشمیر دی خصوصی حیثیت دے حوالے نال 370 اے دے خاتمے دی مذمت کریندے ۔ تحریک اچ آکھیا گے جو بھارتی فوج ولوں آزاد جموں و کشمیر اچ شہری آبادی تے بلااشتعال فائرنگ اتے گولہ باری دے واقعات اچ اجوکے ودھارے تے کلسٹر بماں دے استعمال‘ بھارتی مقبوضہ جموں و کشمیر اچ کیتے ونجنڑ آلے ظلم تے ہنڑیں ہی تھیونڑ آلیاں تبدیلیاں دی صورتحال تے پارلیمنٹ دے سانجھے اجلاس اچ بحث کیتی ویسی ۔
