پاکستان اچ کشمیر کاز کیتے اتحاد دی سخت ضرورت اے ،ندیم افضل چن

اسلام آباد ۔ 22 اگست (اے پی پی) وزیراعظم دے معاون خصوصی و ترجمان ندیم افضل چن آکھیے جو پاکستان اچ کشمیر کاز کیتے اتحاد دی سخت ضرورت اے ایں نازک صورت حال اچ اگر اساں اپنڑے سیاسی اختلافات کوں ترجیح ڈیسوں تاں تاریخ اساکوں کڈاہیں معاف کائناں کریسی ،قائداعظم محمد علی جناح ڈے ڈو قومی نظریئے دی مخالفت کرنڑ آلے اج سوچنڑ تے مجبور ہن ۔خمیس کوں ”اے پی پی“ نال گال مہاڑ کریندے ہوئیں ندیم افضل چن آکھیے جو بھارت اچ مودی تے لبرل لوک ہنڑ تنقید کریندے پن حالانکہ مودی دا بھیانک چہرہ بہوں عرصہ پہلے سامنڑے آگیا ہئی ۔انہاں آکھیے جو پارلیمنٹ دے مشترکہ اجلاس اچ اپوزیشن ولوں جیرھا رویہ اختیار کیتا گیا او انہاں حالات اچ نامناسب اے ،کشمیر دی آزادی اساں کیتے زندگی موت دا مسئلہ بنڑدا ویندے ۔کیوں جو بھارتی حکومت کشمیری مسلماناں تے ظلم دی انتہا کریندے ہوئیں عید الاضحیٰ دے موقع تے وی اپنڑاں مذہبی فریضہ ادا کرنڑ کائنی ڈتا اتھاں تئیں جو کشمیری مسلمان عید دی نماز کیتے مسیت نی ونج سگیے تے سنت ابراہیمی توں وی محروم رہ گن ۔